😄 😄വിദ്യാലയ വീഥിയിലേക്ക് ഒരു മടക്കം😄😃

ഇൻഡക്ഷന്റെ  ആദ്യദിനം. 

7.45 സ്കൂൾ എത്തേണ്ടതിനാൽ രാവിലെ തിരക്കിട്ട ഓട്ടമായിരുന്നു. അതിന്റെ  ഒരു നീരസത്തോടെയാണ് സ്കൂൾ എത്തിയത്.എന്നാൽ  അവിടെ എത്തിയപ്പോൾ ചിന്തകളെല്ലാം മാറി. ഞങ്ങൾ 14 പേർ ഒരേ മനസ്സായി സർവോദയ  വിദ്യാലയത്തിന്റെ  പടികൾ കയറി. വിദ്യാർഥിയുടെയും ടീച്ചറുടെയും  റോൾ ഒരുമിച്ച് കൈകാര്യം ചെയ്യാൻ ഉള്ള സുവർണ്ണ അവസരം ആയിരുന്നു. വിദ്യാലയത്തിലെ കാഴ്ചകൾ എന്നെ മനസ്സിന്റെ ഏടുകളിൽ  സൂക്ഷിച്ചിരുന്ന സ്കൂൾ  ഓർമ്മയുടെ ലോകത്തിലേക്ക് കൊണ്ടുപോയി .വിദ്യാർഥികൾക്ക് പരീക്ഷ തിരക്കായതിനാൽ റിവിഷൻ ക്ലാസുകളാണ് നടന്നിരുന്നത്. പ്രിൻസിപ്പലിനെ അനുമതിയോടെ ടീച്ചർമാരുടെ ക്ലാസ് കേൾക്കാനും ഒപ്പം ഒരുപാട് ടീച്ചിങ് അനുഭവങ്ങൾ അവർ  പകർന്നു നൽകി. അധ്യാപകരുടെ വാക്കുകൾ എന്നിലെ അധ്യാപന  സ്വപ്നത്തിന് കൂടുതൽ  ഉണർവ്  നൽകി.

 പിന്നീടുള്ള സമയം സ്കൂളിന്റെ  ചരിത്രം  അന്വേഷിക്കുന്നതിനും ഒപ്പം സ്കൂൾ ചുറ്റി നടന്ന് കാണുന്നതിനും അവസരം ലഭിച്ചു.  ഇന്ന് സാങ്കേതിക വിദ്യയുടെ സ്വാധീനം വളരെയധികം വർധിച്ചിരിക്കുന്നു .

 സ്കൂളിൽ കണ്ട സ്മാർട്ട് ബോർഡുകളും അതിന്റെ  ഉപയോഗങ്ങളും   എന്നെ അത്ഭുതപ്പെടുത്തി .അങ്ങനെ ഒരുപാട്  അറിവുകളും കാഴ്ചകളും അനുഭവങ്ങളും പകർന്നുതന്ന് ഇന്നത്തെ ദിവസം കടന്നു പോയി . ഒപ്പംപുതിയ അനുഭവങ്ങൾക്കായി പ്രതീക്ഷയോടെ കാത്തിരിക്കുന്നു...😊😊